Posted: 06/01/2012 01:02 PM IST

స్వీడన్‌లో నివసిస్తున్న 52 ఏళ్ల ఓ ఇరాన్ ప్రొఫెసర్ దారుణానికి ఒడిగట్టాడు. వయసులో తనకన్నా చిన్నదైన భార్య వివాహేతర సంబంధం కొనసాగిస్తోందనే అనుమానంతో శాడిజం ప్రదర్శించాడు. భార్య రూపాన్ని చూసి అందరూ అసహ్యించుకోవాలన్న అసూయతో ఆమె పెదాలను కత్తితో కోసేశాడు. అంతటితో వదిలేస్తే పెదాలను ఆమె తిరిగి సర్జరీ ద్వారా అతికించుకుంటుందేమోనన్న దురాలోచనతో వాటిని తినేశాడు. దీంతో తీవ్ర రక్తస్రావమైన ఆమె ప్రస్తుతం ఆస్పత్రిలో చికిత్స పొందుతోంది. ఈ విషయాన్ని స్థానిక పత్రిక వెల్లడించింది. మరోవైపు ప్రొఫెసర్‌ను అరెస్టు చేసిన పోలీసులు అతనిపై హత్యాయత్నం కింద కేసు నమోదు చేశారు. గురువారం స్థానిక కోర్టులో హాజరుపరచగా అతను ఏమాత్రం పశ్చాత్తాపం లేకుండానే చేసిన నేరాన్ని అంగీకరించాడు.